Molo nibilang-bilangan do angka taon naung nidalanan
songon na mamilangi urur ni jabu
jot-jot ma sai manginongi di bagas roha
boasa dang gabe hain bonang na nitonun
boasa dang gabe hauma harangan na ni rambas
alai aha ma hatahonon, dia be sidohonon.
tinariashon tu jolma, engkel him do sitagamon
Purguk so hasuhatan
Rerak dang habilangan
Sibaran lapa-lapa!
Niagat tuak, manetek gota samunan
Sinuan boni pir, tinapu lapung har-har..
bagian lapung!
Ua tarsongon alogo
natumuntun gotosna:
mangullus tonga ari
mangarittak tonga borngin..
Ompu Mula Jadi,
Urupi au paune-une naung sursar..
Manang, patudu tu au
Di dia do rura na marampilas
Binanga na marpisoran
Asa huburi taktak, huambolongkkon luha
Hutalushon tinggala sian tanggurung..
Filed under: Uncategorized
